Sigríður Kristín Óladóttir

30.5.04

Helga mín ég er búin að linka á Þóru, það var ekkert mál.

Hún á afmæli í dag, hún á afmæli í dag.
Hún á afmælí hún Þóra hún á afmæli í dag.
Til hamingju með afmælið Þóra mín, stúlkan er 24 ára í dag.

Það er búið að vera törn um helgina. Á föstudaginn fórum við í stúdentaveisluna hjá Kötu sem haldin var hjá pabba hennar og Ernu. Það var gaman að hitta þá sem við þekktum, og líka alla hina sem við þekktum ekkert. Kata stefnir á læknisfræði og þreytir inntökupróf í haust að ég held. Hulda systir hennar fór til Frakklands í gær og ætlar að vera þar í 2 mánuði.

Í gærmorgun hjálpaði Þóra mér að fara yfir próf og það gekk mjög vel hjá okkur. Kl 14,00 fór ég á tæplega 3ja tíma dansæfingu, svo að versla, í sturtu og kl. 18.00 byrjaði slúttið hjá okkur línudönsurunum. Sigga Alfreðs bauð heim til sín og við aðstoðuðum hana aðeins við matargerðina.
Þetta var alveg meiriháttar hátíð, með fordrykk og frábærum 4ra rétta mat og hvít- og rauðvíni eins og hver gat í sig látið. Skemmtiatriðin voru ekki af verri endanum og við vorum að til tæplega 5 í morgun. Anna Bjarna, Anna Lóa, Hugrún og Rósa komu við hjá mér á heimleiðinni og smökkuðu Ahoj, það er ekki hægt að segja að það hafi runnið ljúflega niður hjá þeim. En þær vita betur hvernig á að gera næst þegar önnur tilraun fer fram.

þóra er með partý núna og ég er að hugsa um að skreppa í göngutúr.

24.5.04

Til hamingju með afmælið Maggi bróðir og nýja húsið þitt!

Ég þarf endilega að setja inn mynd af húsinu mínu Helga mín, ég þarf að biðja Óla að taka mynd af því fljótlega. Þóra til hamingju með prófin þetta er glæsó hjá þér.

Atli er búinn að slá 1. slátt á Jörundarholtinu, 3 pokar takk fyrir. Arfinn verður að bíða um sinn og einnig nánari hreinsun úr beðum.

Fór á skólastjórnarfund til frú Auðar skólastjóra í dag, glæsilegt heimboð hjá henni og veitingarnar voru ekkert slor. Þetta er annar fundurinn sem ég hef komist á í vetur og ég var svei mér heppin að komast á þennan fund.

23.5.04

Þetta gekk hjá mér, ég er góð í afritalímaaðferðinni Óli.


Mæðginin stolt og ánægð:

Við skólasysturnar fengum frábærar móttökur hjá Gunnu að Minna-Mosfelli á föstudagskvöldið. Það kemur svo sem ekki neitt á óvart, þetta er alltaf svona hjá henni. Eldhúsið þeirra er alveg stórkostlegt, enda sátum við þar allt kvöldið og langt fram á nótt. Takk kærlega fyrir mig. Það var sérstaklega ánægjulegt að Hanna Regína var mætt og vonandi gengur vel hjá henni í erfiðri meðferð sem er framundan hjá henni.

Ætli ég sé ekki búin að gleyma hvernig á að setja mynd hérna? ég ætla samt að prófa.
Flottur með húfuna:

21.5.04

Til hamingju með daginn útskriftarnemar og sérstaklega Atli minn. Ég verð aðeins að monta mig af stráknum.

Atli Þór gerði það aldeilis gott, hann fékk verðlaun fyrir bestan námsárangur í húsasmíði frá Leonardó stofnuninni og líka fyrir framúrskarandi árangur í verklegum greinum frá Hárhúsi Kötlu. Við vorum að skála í kampavíni og svo fer ég til Gunnu Sig í Mosfellsdalnum að hitta skólasysturnar. Lesið endilega ferðasöguna hans Óla eða byrjunina á henni!!

20.5.04

Ææiii ég komst aldrei til að skrifa meira í gær. Ég var ekki einu sinni búin að ganga frá eldhúsinu fyrir starfsmannafundinn, sem var til 15,30. Núna er ég í skólanum að vinna og það verður aldeilis törn hér framundan, próf, yfirferð og einkunnagjöf. Það er einhvernveginn enginn tími gefinn til að vinna þessi verk, þannig að við þurfum að nota alla frídaga.


Atli ætlar að útskrifast sem smiður á morgun kl. 14.00 frá FVA. Þetta var reyndar bara ákveðið í gær, þannig að það verður engin veisla. Við höldum veislu ef hann vill þegar hann er búinn að taka sveinsprófið. Ég vona samt að hann klári einhvern tímann þessa 3 íslensku áfanga sem hann á eftir til að klára stúdentsprófið, en auðvitað verður hann að ákveða og ráða þessu sjálfur. Hann keypti sér svaka flott föt í Bjargi í gær, en hann á eftir að redda húfunni.
Atli er að vinna í dag og verður í fríi á morgun, útskrift und alles. En þetta gera þeir samt stundum hjá Þránni þ.e. þeir vinna föstudaginn af sér með því að vinna fimmtudagsfrídaga.

Óli er kominn heim sem betur fer. Þóra er farin að blogga eða rokka eins og sumir segja :) Ég þarf endilega að setja link inná bloggið hennar, geri það seinna.

Ég var að lesa bloggið hennar Helgu áðan og hvað varstu að segja, er uppstigningardagur kallaður feðradagur í Þýskalandi? Ég athugaði ekki að segja Siggu hjúkkuvinkonu þinni í gærkvöldi þegar hún hringdi að þú færir oftast snemma að sofa. Misstir þú af símtalinu?

Jæja ég verð að halda áfram að vinna.

19.5.04

Jæja það stendur ekki á því að kvarta þegar smáhlé verður hjá mér í blogginu, ég er ekkert svekkt og reyni að bæta mig. Það vantar aðeins fleiri tíma í sólarhringinn til þess að ég geti staðið mig í þessu!! (hver er ekki svekktur?!). Öfugt við suma þá þarf ég að sofa 5-7 tíma á nóttunni og svo er svo mikið að gera hjá mér. Ég fór í bæinn í gær og við SPSS dömurnar hittumst í síðasta sinn, svo að núna þarf ég að klára verkefnið (skýrsluna)og gera nokkur línu- eða súlurit í Excel.

Þóra bauð mér svo í mat þegar við hættum í Kennó í gærkvöldi, takk fyrir mig Þóra mín. Við fórum á Indó-kínverskan stað á Laugarveginum og fengum okkur fimm rétta máltíð. Við borðuðum eiginlega yfir okkur og gátum varla hreyft okkur á eftir, einkennilegt að lenda alltaf í því að borða of mikið.

Óli kemur heim í dag, ég hlakka ferlega mikið til af því að ég hef haft áhyggjur af honum á þessu líka heimshornaflakki. Hugsið ykkur að fara til Ástralíu á Kiss-tónleika!!! En vonandi skemmti hann sér vel, ég veit svo sem að hann gerði það og það verður gaman að lesa bloggið hans þegar hann skrifar ferðasöguna. Nú verð ég að fara að kenna, kem aftur seinna í dag.

12.5.04

Eins og ég hef alltaf sagt við börnin mín þá eru þau alveg sérstaklega heppin með mömmu. Kíkið á bloggið hans Óla"Rokkið lifir"

10.5.04

Hún á afmæli í dag
hún á afmæli í dag.
Hún á afmæli hún Helga
hún á afmæli í dag.

Húrra, húrra, húúúrrrrrraaaa.

Helga er sem sagt 30 ára í dag, hjartanlegar hamingjuóskir með daginn Helga mín.

Það er komið nýtt umhverfi hjá Blogger.com og í tiltektinni hafa þeir hent út u.þ.b. 2ja mánaða skilaboðum úr skilaboðaskjóðunni.
Ég frétti þegar ég kom í vinnuna áðan að ég fékk rauðvínspottinn á föstudaginn, alltaf heppin sú gamla. Verð að fara að kenna núna.

9.5.04

Til hamingju með daginn mæður.

Ég las ágæta grein í Morgunblaðinu í dag eftir Sveinbjörn I. Baldvinsson sem heitir: Allar dagar eru mæðradagar. Hann segir m.a. „Fyrir mér eru fæðingardagar barna hinir einu sönnu mæðradagar“.
Ég fékk einmitt yndislegt Mæðradagskort frá Helgu á föstudaginn, takk fyrir það. Í Þýskalandi er siður að föndra eða búa til einhvern hlut til að gefa mæðrum á Mæðradaginn, en hér höldum við okkur við blómin. Helga verður einmitt 30 ára á morgun 10. mai og ég er orðin forvitin vegna þess að Alex ætlar að koma henni á óvart.

Núna er farið að rigna, ég er bara hálffegin af því að ég verð að læra í dag. Ég ætla aðeins að kíkja til mömmu og svo held ég áfram að læra.

2.5.04

Takk fyrir að setja inn myndirnar Óli minn. Mér finnst eins og nokkrar séu svolítið hreyfðar, en það er allt í lagi. Við lentum í 6. sæti á Íslandsmótinu og við höldum að það sé vegna þess að "pilsin" voru svo sexý. Sumir voru líka ferlega stressaðir og rugluðust aðeins, ég nefni engin nöfn en fyrsti stafurinn er frú Sigríður Kristín.

En árangur Skagahópanna var alveg frábær, Silfurperlurnar urðu Íslandsmeistarar í unglingaflokki, Silfurskotturnar náðu 3ja sætinu og Silfurstjörnurnar lentu í 5. sæti. Til hamingju með glæsilegan árangur. Hóparnir héðan eru allir í Ungmennafélaginu Skipaskagi, þeir eru allir nýkomnir í það félag, en vorum áður skráð í Kópavogi.

Þetta var mjög skemmtilegur dagur, við fórum á Caffedesso í Smáralind eftir keppnina, síðan í íbúðina hennar Söndru til að skipta um föt og skála og svo út að borða þorsk og lambakjöt á Kaffi Reykjavík. Þjónninn seldi okkur þorskinn sem steinbít, en honum varð ekki kápan úr því roðinu, við þekkjum auðvitað muninn á þessum fiskitegundum. Við vorum um 50 sem fórum út saman og Óli Geir sá um að allir skemmtu sér vel. Svo dönsuðum við til kl. 2 í nótt í Kópavoginum.

Gullkorn dagsins var: Hvað erum við að gera hér?