Sigríður Kristín Óladóttir

30.9.05

Til hamingju með daginn Þórður!!

Hann á afmæli í dag, hann á afmæli í dag........
Hjartanlegar hamingjuóskir Þórður minn.

Þórsmerkurferð

Ég nota tækifærið og sendi þessa lýsingu úr skólanum en ég gat ekki komið henni á Netið úr minni tölvu.

Ég leyfi mér að fullyrða eða í það minnsta vona, að þessi fyrsta Þórsmerkurferð mín 24.- 25. september verði ekki sú síðasta. Fegurðin er ótrúlega mikil og haustlitirnar ægifagrir. Við vorum alveg sérstaklega heppin með veður, sól og blíða allan tímann. Það var að vísu dálítill snjór og pínulítið frost en það var nú í góðu lagi.
Við komum í Þórsmörk nánar tilgekið í Langadal um klukkan 13:00 á laugardegi og mjög lítið var í ánum, þ.e.a.s. Hvanná og Krossá. Þegar við vorum búin að tala við Heiðu skálavörð og fara inn með dótið okkar var farið í gönguferð. Flestir gengu yfir í Húsadal, fóru svo aðra brattari leið til baka. En Röggi, Ragnheiður og Maggi gengu líka á Valahnúk. Við Þórður, Guðbjörg og Reynir og Elsa gengum svaka hring sem reyndist vera 9 km langur. Við fórum upp Slyppugil, meðfram Tindafjöllum að Tröllakirkju og yfir Stangarháls til baka. Ég hef sjaldan verið eins hrædd á æfinni eins og í þessari ferð. Þetta var snarbratt og hált, en ægifagur leið. Ég þorði ekki að snúa við og fór því hluta leiðarinnar á rassinum sem mér fannst öruggast þá stundina, úps!!. Sem betur fer lánaði Reynir læknir mér annan göngustafinn sinn, Þórður var líka lofthræddur og ég hef grun um að Elsu hafi ekki alveg verið sama. En við vorum afar stolt þegar við komumst niður og skáluðum í en öl. Ég er fegin að vera búin að fara þennan hring og mun ekki fara hann aftur þótt engin verði hálkan.
Þessi ganga okkar tók um 3 og hálfa klukkustund með stoppum og var það vel að verki staðið.
Þegar við komum aftur í skálann, var byrjað að elda matinn. Skipulagsnefndin sem voru þær Ragnheiður Ragnars, Inga Rún og Elsa ásamt mér sem var starfsmaður nefndarinnar sáum um forréttinn sem var reyktur og grafinn lax og svo auðvitað um aðalréttinn, grilluð lambalæri með bökuðum kartöflu, grænmetissalati og sósu. Við nutum dyggrar aðstoðar kolakveikimannsins Þórðar og grillmeistaranna Reynis og Rögnvaldar. Eftirrétturinn var kaffi og koníak.

Það var aldimmt um klukkan 20:30, þá hélt ég að klukkan væri að nálgast miðnætti, maður er svo tímalaus í myrkrinu. Við fengum lánaða sjoppuna til að syngja og skemmta okkur um kvöldið af því að fleiri en við vorum í skálanum.
Þegar við fórum að sofa kom í ljós að Stefán var ekki kominn í hús, hann hafði þá misst gleraugun af nefinu og skreið úti í myrkrinu til að reyna að finna þau. Sigga Skúla og Sirrý fóru og hjálpuðu honum að finna gleraugun með aðstoð klósettvasaljóssins. Sem minnir mig á að ef þið farið í haustlitaferð í Þórsmörk, hafið endilega með ykkur vasaljós.
Þegar ég lagðist til svefns, fékk ég algjört hláturskast þegar ég heyrði nokkra hrjóta. Daginn eftir frétti ég að seinna um nóttina var talið að 17 hefðu hrotið í aljörri hrotu-sinfoníu og hafði Ragnheiður Ragnars orð á að takturinn hjá okkur Þórði hefði verið sérlega góður!! Rúmið hennar var þvert á okkar rúm og höfuð okkar Ragnheiðar snertust nærri því.
Þetta minnir mig á söguna sem þú sagðir Hlyni um ljónið og tígrisdýrið í næsta herbergi Óli minn.

Á sunnudagsmorguninn gengum við Þórður í Húsadal þrátt fyrir miklar harðsperrur sem versnuðu svo á mánudag og voru slæmar í gær. Við komum aðeins við í Básum á heimleiðinni og gengum svo í Stakkholtsgjá og ókum að Steinholtslóni. Heim komum við um klukkan 17:00 eftir frábæra haustlitaferð í Þórsmörk.

Hvernig stendur á að þegar ég ætla að publisha póstinn kemur og bara The page cannot be displayed? Ég tapaði eiginlega öllu þegar ég var búin að skrifa ferðasöguna fyrst, en hafði vit á að vista í word þegar ég skrifaði í annað sinn.

29.9.05

Sumarbústaðaferðin og Hanna gengur.

Það kom í ljós að tölvan mín neitar að birta það sem ég hef verið að skrifa og þess vegna held ég áfram í tölvunni hans Atla, fyrirgefðu Atli, ég stalst í þína!!

Sumarbústaðaferð okkar skólasystra var alveg frábær, ég tapaði því miður öllu því sem ég var búin að skrifa um hana. Hápunktur ferðarinnar var þegar Hanna (sem var leynigestur) mætti á svæðið og boðaði með okkur kvöldverð. Hún kom að vísu nokkrum tímum of seint vegna þess að hún var í 4 tíma að máta hulsur. Í síðustu viku sendi Siggi maður Hönnu okkur póst og mynd af frúnni þar sem hún var að taka sín fyrstu skref eftir 4ra mánaða veikindi þar sem m.a. þurfti að taka báðar fætur af rétt fyrir neðan hné.
Þetta voru svo sannarlega gleðifréttir og aðdáunarvert hve dugleg og jákvæð Hanna er.

Systrakot, bústaður Höllu og systra hennar er svo sannarlega ekkert kot eins og ég sá alltaf fyrir mér þegar Halla talaði um bústaðinn. Það er að vísu ekki mikið rennandi vatn og ekkert rafmagn enn sem komið er, en þar verður svo sannarlega engum í kot vísað. Líklega verður árlega sumarbústaðferð okkar oftar ef ekki alltaf farin þangað.

Ég hafði vit á að vista punkta mína um Þórsmerkurferðina, þ.e.a.s. eftir að hafa tapað þeim einu sinni og mun ég skella þeim á minniskubbinn minn og stelast í þessa tölvu til að senda þá út á Netið.

Klukk og tékk

Klukk, hvaða rugl er þetta Óli minn? Það er eitthvað ruglað lyklaborðið hjá Atla, eða hvað? Nú er ég að prófa að publisha úr tölvunni hans, vegna þess að mín strækar.

16.9.05

Sumarbústaðaferð

Nú erum við skólasystur að leggja af stað í hina árlegu dekur - sumarbústaðaferð okkar, jibbý!!!

Nú förum við í "Systrakotið" hennar Höllu og þar verðum við án rennandi vatns og rafmagns þannig að það er bara survivor helgi framundan.
Ég var að setja drykkjarvatn á nokkrar flöskur, en reikna samt með að nota það í fótabað eða annan lúxus og drekk þá auðvitað eitthvað annað í staðinn. Ég má ekki vera að þessu, læt ykkur vita eftir helgi :)

7.9.05

Veisla á Galito.

Ég verð að segja ykkur frá hve heppin ég var á landsmóti línudansara. Ég keypti 3 miða í happdrættinu og vann þriggja rétta sælkeramáltíð fyrir tvo. Ég var nýbúin að segja við borðið: Ég vinn aldrei í happdrætti..., en viti menn, þá les Gísli bæjó upp númer á einum af mínum miðum, alltaf er ég jafn heppin. Takk fyrir, rómantískur kvöldverður fyrir 2 á Galíto var vinningurinn.
Það er skemmst frá því að segja að ég bauð ástarleikmanni mínum með mér og þvílík veisla var fram reidd fyrir okkur. Ég má til með að setja matseðilinn hér inn og borða hann aftur í huganum, nammi, nammi, namm. Hugsunin dvelur við mat núna, við Þórður og mamma hans erum í súpunni, byrjuðum á henni í gær. Ég er farin að hlakka til kvöldmatsins sem verður bökuð kartafla.

Hér kemur matseðilinn sem við snæddum á Galito: Forréttur, milliréttur,aðalréttur og eftirréttur.

Ferna: Kóngarabbi, humar, kræklingur og risahörpuskel í kampavínssafransoði.
Smakk: Mohitosorbey.
Tvenna: Önd og lamb með appelsínusósu og kartöfluterrine.
Eftirréttur: Frönsk súkkulaðiterta með vanilluís.

Á undan fengum við nýbakað snittubrauð með pestó. Þetta var mjög fallega borið fram, glæsilega skreyttir diskarnir og fallegir þar að auki. Svo var þetta auðvitað alveg meiriháttar gott og allt passlega eldað. Salurinn var líka glæsilegur og smart lagt á borð.
Við Skagamenn þurfum því alls ekki að fara til Reykjavíkur til að fara fínt út að borða, ég mæli með Galito.

Helga ég er búin að fá greiðslumatið þitt, það kom í dag. Mitt er reyndar líka tilbúið og ég sótti umsóknareyðublöð á bæjarskrifstofuna. Við tölum fljótlega saman, ég ætla að þvo bílinn núna, en kanski hringi ég á eftir.

Næst þarf ég að segja ykkur frá hvað Akraneskaupstaður hyggst gera, þ.e. að fyrirskipa kennurum að nota stimpilklukku. Hafið þið heyrt annað eins?