Sigríður Kristín Óladóttir

25.10.06

 
Eygló og Gilli á Löngulínu.
 
Elsa og Reynir á Hereford Beefstouw. Posted by Picasa

 
Við vinkonurnar í góðum gír
 
Hér eru stákarnir okkar, eru þeir feimnir eða hvað?
 
Á leiðinni heim í frokostinn á afmælisdegi Elsu, þann 15.sept. Posted by Picasa

 
Óli Örn senior og Stína
 ´
Flöskupokastadívið :) og rauðvínið frá Óla og Stínu Posted by Picasa

21.10.06

Haust og Svíþjóðarferð.

Það hefur kólnað töluvert og nú er orðið haustlegt hér í Kaupmannahöfn. Hitinn er ekki nema 15° og gangstéttar eru þaktar laufblöðum. Við höfum haft það gott í haustfríinu eins og reyndar alltaf. Á þriðjudaginn löbbuðum við yfir í Christianíu og skoðuðum mannlífið þar. Við sáum allnokkra furðufugla, en mest sáum við þó fólk sem var að skoða eins og við. Mamma, þegar við löbbuðum þangað yfir, fórum við yfir Knippelsbrúna sem þú varst að tala um. Við keyrum sem sagt alltaf undir hana þegar við förum hingað heim eða eitthvað út úr borginni.

Á fimmtudaginn skelltum við okkur til Svíþjóðar að heimsækja Ella frænda Þórðar og Helgu konu hans. Það var mjög gaman, veðrið var fínt og það er allt öðru vísi landslag í Svíþjóð. Þau búa í fallegum bæ sem heitir Simrishamn og er rétt hjá Ystad. Það er mikill munur á bænum núna og í fyrra þegar við komum til þeirra, en þá var bærinn troðfullur af ferðamönnum. Nú voru allar götur hálftómar, öfugt við það sem var í fyrra. Helga fær að vita niðurstöður úr seinustu myndatökum og rannsóknum vegna krabbameinsins í næstu viku, vonandi fær hún góðar fréttir :)

Annars er bara allt gott að frétta frá okkur fórum í röska göngu í morgun og sáum furðulega sjón, konu sem stóð með hjólið sitt við Löngulínubrúna og var að próna peysu eða eitthvað á hringprjón. Ég þarf að setja inn myndir hér, kanski geri ég það á morgun og svo ætti ég að segja ykkur frá því þegar við gerðum fyrstu stórinnkaupin í Nettó!! Hafið það gott um helgina.

16.10.06

Sumarhús, gestir og vetrarfrí!

Nú er sumarhúsadvöl okkar lokið. Þetta var alveg dásamlegur tími. Það var mjög gaman að mamma, Þóra og Atli komu í heimsókn hingað út og Helga og fjölskylda komu frá Þýskalandi, það vantaði bara Óla og fjölskyldu til að öll börnin mín og mamma væru hér á sama tíma, en það er ekki á allt kosið. Við Þórður vorum reyndar ekki alveg allan tímann í bústaðnum vegna skólans, en það er allt í lagi. Veðrið lék við okkur og gestina hér, en það var svolítið kalt á laugardeginum. Balthasar var svo góður að það var alveg aðdáunarvert og Nína var alveg eins og fullorðin manneskja. Hún eignaðist stax marga ferfætta vini sem hún heimsótti daglega, spjallaði við þá og færði þeim eitthvert góðgæti svo sem epli, brauð eða safaríkt gras. Húsið sem við pöntuðum var mjög fínt og vel búið á allan hátt. Við höldum helst að eigendurnir búi í því á milli þess sem það er leigt út. Við fórum til Hróarskeldu, sem er skemmtilegur bær. Við skoðuðum reyndar ekki Víkingaskipasafnið, það gerum við bara seinna.
Á föstudeginum fórum við yfir til Orö. Við fórum með bílana á ferju sem er ekki með stýri, en vírar eru á milli hafna, ég kann ekki að útskýra þetta betur, hjálp Valli!
Siglingin tekur aðeins 6 mínútur. Við keyrðum um þessa litlu fallegu eyju, m.a. á grasivöxnum götum sem voru hálfgerðar torfærugötur. Mamma bauð okkur svo í góðan mat á Hótel kránni á eynni. Þegar við fórum til baka lögðu Alex og Helga og börn af stað 3-5 mínútum á undan okkur. Þegar við nálguðumst ferjuna leist okkur ekki á blikuna þegar Þórður hægði ekkert á sér þegar við nálguðumst hana. Við vorum því nokkuð samtaka allar þrjár, mamma, Þóra og ég í því að benda honum á að ferjan var farin, úps!!! Hann tók sem sagt ekki eftir því að ferjan var farin, eða ef til vill hefur hann haldið að hann væri aðalpersónan í hasarmynd, þá hefði líklega heppnast að láta bílinn fljúga 50 - 100 metra eða svo.
Á laugardaginn fórum við með Þóru og mömmu í Tívolí, nú er Hallowen þar, eða frá 13. - 22. okt. Það var gaman að sjá breytinguna á Tívolíinu frá því sem var í september, þetta er allt annað svæði. Mamma gekk um allt svæðið eins og ekkert sé, en við Þóra fórum í eitt tæki, rússíbanann og vá þetta vara hrikalegt! Ég sagði við Þórð þegar hann spurði um ferðina að ég hefði slagað þegar ég kom aftur til jarðar, góð!!Við Þórður eigum örugglega eftir að fara aftur þangað og kíkja inní öll litlu húsin sem komin eru á svæðið.
Atli fór heim á fimmtudaginn, en mamma og Þóra á laugardagskvöldið og voru því dauðþreyttar þegar heim var komið.
Á sunnudaginn kom Magga mágkona Þórðar í frokost og færði okkur þessa fínu orkideu. Það var gaman að hitta Möggu, hún er alltaf svo hress. Við vorum búin að panta tíma í hinu þvottahúsinu sem er hér og áttum tíma klukkan 11 þannig að við yfirgáfum Möggu smástund til að setja í vélarnar. Ég pantaði tvo tíma og gat því sett í 4 þvottavélar. Þegar við vorum búin að setja þvott og sápu í vélarnar, gerðist ekkert þegar við ætluðum að setja þær af stað. Við prófuðum alla rofa, en ekkert gekk. Svo ég (það er alltaf svoleiðis, ég þarf að gera allt á þessu heimili!) var send út til að sækja hjálp! Ég fann ungan mann sem kom með okkur og hann skildi heldur ekkert í þessu, prófaði útsláttarrofana eins og við höfðum gert, en vélarnar neituðu enn.
Svo leit hann á stórt spjald á veggnum og las fyrir okkur: Þvottahúsið á ekki að nota á sunnudögum!
Við máttum því taka þvottinn úr öllum vélunum og hætta við þvott í bili. Þetta erum við Þórður í Danmörku!!
Nú erum við í viku vetrarfrí í skólanum, við skreppum örugglega eitthvað í fríinu. Bestu kveðjur héðan.

7.10.06

Góðir gestir og málverk!

Það eru komnir góðir gestir til okkar. Atli kom um hádegisbilið í gær og fór með okkur í bæinn og svo löbbuðum við heim. Við Þórður létum klippa okkur á hárgreiðslustofu sem íslenskar stelpur eiga rétt við strikið. Sú sem klippti okkur, Inga Rós heitir hún er stórfrænka Gunnþórunnar skólasystur. Mamma og Þóra komu í gærkvöldi og við fórum á þetta fína hótel sem er hér beint á móti, hóteli Adina. Við settumst svo aðeins niður á hótelbarinn og mamma og Þórður fengu sér kaffi, en við Þóra fengum okkur einn öl eller to.

Elsku Hlynur! Takk fyrir málverkið, það er svakalega fínt og er komið uppá vegg hjá okkur. Takk fyrir bréfið líka, þú ert svo duglegur að skifa. Þú skrifar bæði vel og rétt.

Við erum öll hér í íbúðinni okkar, en eftir hádegi leggjum við í hann til Vellerup í sumarbústaðinn og hittum Helgu, Alex, Nínu og Balthasar. Það verður aldeilis gaman.
Meira seinna, hafið það gott um helgina.