Óli Örn uppeldis- og menntunarfræðingur!

Til hamingju Óli Örn, uppeldis-og menntunarfræðingur! Þá er þessum áfanga lokið hjá Óla og hann er þegar byrjaður á næsta kafla þ.e.a.s. á mastersnáminu.
Við fögnuðum þessum tímamótum hér heima ásamt nánustu ættingjum fyrr í dag. Allt gekk vel, og nú er búið að ganga frá öllu nema gömlu stólunum sem geymdir eru í neðra, úps, í skriðkjallaranum meina ég. Atli sótti Þóru í gærkvöldi og við, ásamt Atla vorum fram á nótt að undirbúa veisluna og þrífa húsið. Við mæðgur skelltum okkur svo í pottinn þegar langt var liðið á nóttu og vorum fram undir morgun, fínt maður, eins og einhver mundi segja!!!
Takk fyrir hjálpina Þóra og Atli, herbergið þitt er nær óþekkjanlegt Atli, gaman væri ef þú héldir því svona.
Verst þótti mér að Óli opnaði ekki pakkana hér, ekki það að ég sé forvitin, sei sei nei, heldur af því að mömmu (ömmu Lillu) langaði svo.... til að sjá hvaða gjafir hann fékk.
Ég fékk reyndar eina æðislega gjöf frá Óla og Karenu, þ.e.a.s. dekur í baðhúsinu. Ég hlakka til að nota þessa gjöf, ef til vill skellum við Þóra okkur saman, því hún fékk svipaða gjöf frá þeim sem þakklætisvott fyrir þrif og mikinn burð við flutninga þegar þau fluttu nú í vikunni. Þórður er á næturvakt, þetta er sem betur fer sú síðasta í bili, hugsið ykkur þetta er áttunda næturvaktin í röð.
Jæja nú er komin tími til að frú Sigríður fari að sofa til að geta lesið e-ð á morgun, góða nótt!!!

Óli fær einkunn í dag

Nú bíðum við í ofvæni eftir að fá að vita einkunnina hjá Óla þ.e.a.s. fyrir BA ritgerðina, mér skilst að hann þurfi að fá 7 fyrir hana til þess að geta haldið áfram í masternum sem hann er reyndar byrjaður á.
Vonandi gengur þetta hjá honum :) Þú hringir er það ekki Óli minn?

Annars er allt gott að frétta, ég er búin að vera á kafi í að lesa og skila verkefni í náminu. Ég er samt aðeins á eftir áætlun með lesturinn, ég er alveg ferlega lengi að þessu en hugga mig við að "Kemst þótt hægt fari" sem mér finnst eiga við mig.

Þorrablótið var skemmtilegt, en þó ekki eins mikið fjör á ballinu eins og venjulega það var í góðu lagi vegna þess að ég þurfti að nota helgina í nám. Ég þarf núna að fara að skrifa út til Danmerkur, það eru 2 skólar sem koma til greina. Við Þórður erum í danskólanum hjá Heiðari núna og við erum búin að læra heilmikið eftir áramótin, enda er þetta nánast einkakennsla aðeins 3 pör í hópnum. Ég er búin að vera í bölvuðu basli, fékk svona líka svaka ígerð út frá tönn, sem kostaði sterkan fúkkalyfjakúr og svo tanntöku og hreinsun, saumaskap og maukfæði. Ég er í frímínútum en nú eru börnin að koma, bið að heilsa.