Sigríður Kristín Óladóttir

24.5.07

Til hamingju Þóra!!

Þóra var að fá einkunnina sína fyrir lokaritgerðina í gær og fékk frábæra einkunn. Til hamingju Þóra mín. Oooo... það er svo góð tilfinning þegar stórverkefnum er lokið.

Það er nú orðið langt síðan að ég hef bloggað, en svona er þetta bara. Maður gefur sér ekki tíma til að skrifa nokkrar línur, líklega af því að það hefur verið nóg að gera.
Prófatörninni er lokið hjá mér í bili, ég fékk þriðju prófseinkunnina í skólanum í gær og er ógisslega ánægð. Þá á ég bara eftir að taka PD3 munnlega prófið þann 12. júní.

Á sunnudaginn má segja að við hefðum næstum því tekið þátt í Kaupmannahafnar Maraþoninu. Við vorum í það minnsta stuðningsmenn númer 1. Hlaupararnir hlupu hér rétt hjá okkur og við klöppuðum jafn mikið fyrir þeim fyrstu og þeim síðustu, það er gaman að þessu. Við löbbuðum svo um 7 km leiðarinnar og vorum 1 klukkutíma að því. Þetta þýðir að ef við hefðum tekið þátt, þá hefðum við verið rúma 6 tíma á leiðinni, en það er nú kanski aðeins of langur tími, ekki satt??
Ég heyrði aðeins í Herði Ól. frænda á sunnudaginn og því miður gátum við ekki hitst á meðan þau voru hér. Það var verið að ferma hjá dóttur hans sem býr í Lyngby.

Við erum búin að ákveða að fresta aðeins Þýskalandsferðinni, við förum í staðinn á harmonikumót á eyjunni Ærø og verðum þar í nokkra daga. Það verður örugglega skemmtilegt.

Sunnudaginn 10. júní ætlum við svo að verja deginum í Kidlevældskikjunni. Það verður USA dagur í kirkjunni. Dagskráin hefst klukkan 10 með Gospel-hámessu. Svo verður amerískur brunch og eftir hádegi verður söngur, hljófæraleikur og dans þar til allir eru orðnir útkeyrðir.

Veðrið hér er og hefur verið alveg frábært, sól og um 20 stiga hiti. Veðurfræðingarnir spá jafnvel betra veðri en var í fyrra!!!

5 Comments:

  • Skemmtilegir tímar framundan!
    Ég væri sko til í gospel og stuð :)
    Hér ætlar sumarið eitthvað að láta bíða eftir sér, en það er að minnsta kosti hætt að snjóa.
    Bið að heilsa!!

    By Blogger Karen, at 24/5/07 07:13  

  • Þetta er nú ekki dónaleg frammistaða hjá ykkur mæðgunum! En innilega til hamingju með þetta mamma og *tuff**tuff* fyrir munnlega prófið.
    Ég kem út 6. jún og þarf að versla mótorhjóladót en svo er ég laus það sem eftir er dagsins. Við gætum kannski verið eitthvað í bandi þá og jafnvel líka á sunnudaginn eftir gospelið hjá ykkur.

    By Blogger Rokkarinn, at 24/5/07 08:18  

  • Innilega til hamingju með árangurinn mamma og Þóra, alveg glæsilegt hjá ykkur. Það er svo bara spurning með framhaldið hjá ykkur elskurnar mínar.

    Það verður nóg að gera í sambandi við heimsóknir til ykkar í sumar, bara varla tími til að fara í heimsókn til Þýskalands.

    Góða skemmtun á harmónikuskemmtuninni og hóteldvölinni. Nú fer þetta að styttast hjá ykkur, það verður gaman að fá ykkur heim í sumar.

    Kveðja Helga og Balthasar

    By Blogger Helga, at 24/5/07 08:26  

  • Já mér líst vel á að við hittumst þann 6. og svo aftur þann 10. Ég var auðvitað alveg búin að gleyma þessu með að sunnudagurinn er laus hjá þér.
    Við verðum að dansa með hópnum okkar, þau treysta svolítið mikið á okkur af því að mikil forföll urðu í byrjendahópnum þannig að við dönsum með báðum hópum.

    Við finnum út úr þessu Óli, þú vilt kanski koma með okkur?

    By Blogger Frú Sigríður, at 24/5/07 08:39  

  • Takk fyrir mig :)
    Kv. Þóra

    By Anonymous Nafnlaus, at 30/5/07 12:56  

Skrifa ummæli

<< Home