Sigríður Kristín Óladóttir

14.4.03

Þetta er aldeilis búið að vera fjör, staðbunda lotan búin og næg verkefni framundan. Einhvernveginn varð ekkert úr því að tala við Salvöru um námskeiðið og skipulagninguna. Við vorum að tala um að gott hefði verið að fá meiri kennslu á verkfærin í byrjun námslotunnar til þess að geta betur einbeitt sér að innihaldinu og verkefnunum.
Ég var ánægð með það að geta kennt tengdasyninum hvernig á að gera Pop up hnappa í Fireworks í morgun. Annars langar mig svo mikið til þess að vera að mestu leyti í fríi frá náminu í páskafríinu vegna þess að Helga og fjölskylda eru hér á landi, en við Alex tengdasonur eigum líklega eftir að skoða þetta svolítið saman. Mig langar líka til þess að fá hann til að kenna mér að taka myndir á stafrænu myndavélina hans. Það væri fínt ef ég læri það um páskana.

Við fjölskyldan hittumst í fermingarveislunni hjá Stefáni frænda í gær. Þetta var skemmtileg veisla og þess vegna fannst manni hún vera nýbyrjuð þegar veislugestir fóru að fara heim. Maturinn var líka mjög góður og ístertan frábær.



0 Comments:

Skrifa ummæli

<< Home