Thelma Björg 1 árs

Litla frænka Þórðar er 1 árs í dag, til hamingju með daginn!!
Mér finnst ég slá 3 flugur og jafnvel fleiri í einu höggi í dag. Ég er að bruna í bæinn. Fyrst er það apótekið ódýra, þar sem nokkur hundruð pillur verða keyptar. Svo hittumst við skólasystur hjá Gunnþórunni til að ákveða með Mílanóferðina sem við förum í í júní. Næst fer ég á fund með konu, ég segi ekki meira um það. Að lokum fer ég í afmæliskaffi í Kópavoginn hjá systurdóttur Þórðar og treð í mig kræsingum. Þegar ég minnist á kræsingar, þá verður mér hugsað til gærdagsins, þegar ég áttaði mig á því að klukkan 13:00 var ég að borða fjórðu máltíðina þann dag, geri aðrir betur.
Það er aldrei að vita nema ég kíki aðeins á stúdentagarðana á Eggertsgötu áður en farið verður í afmælið, ég sé til. Teljið svo flugurnar ha ha ha.